Dalang Temanten - Panggih Pernikahan Adat Jawa

MENAWI PAHARGYAN ING GEDHUNG
1. Manten rawuh kairing gendhing, Sala: kebo giro, Yogya: bindri.
2. Manten mlebet kairing gendhing, Sala: Larasmaya, Yogya: Ladrang penganten/Gati Padhasih/boyong temanten
3. Manten lenggah ing sasana mulya
4. MC mbuka adicara
5. Pambagyaharja
6. Donga (menawi wonten)
7. Jawat asta saha kembul bujana
8. Purna

Tuladha Mbikak Acara:
Salam....
Nuwun,
dumateng panjenenganipun para pepundhen ingkang satuhu kinabekten, para
pinisepuh miwah sesepuh ingkang kinurmatan, para tamu ingkang minulya,
sarta kadang kula wredha miwah mudha ingkang sutresna.
Sumangga
tansah kula dherekaken muji syukur ing ngarsaning Gusti, Pangeran
ingkang Mahawelas lan asih ingkang sampun ngluberaken kanugrahan ingkang
arupi kanikmatan ingkang tanpa pepindhan.
Mradapa awit keparengipun
bapa dalah ibu...... sak kulawangsa ngaturaken menggah rantamaning titi
laksana adicara pawiwahan ing wanci menika. Titi laksana rinantam
mekaten....... lan saklajengipun...